Framhlaðningsgámar

Framhlaðningsgámar eru algengir hjá fyrirtækjum í langtímaleigu þar sem ekki er pláss fyrir tunnugerði eða þegar tunnur og kör duga ekki til. Þessir gámar henta vel undir almennt sorp, endurvinnanlegt hráefni og bylgjupappa. Framhlaðningsgámarnir fást í ýmsum stærðum og eru alltaf jafn breiðir, en hæðin og dýptin breytist á milli stærða. Á 6m³ og 8m³gámunum eru hliðarhurðir. Framhlaðningsgámar eru losaðir á örskotsstundu með framhlaðningsbílum 

• 2m³
• 4m³
• 6m³ með hliðarhurðum
• 8m³ með hliðarhurðum

Lokaður krókgámur

Lokaðir krókgámar eru leigðir út til lengri eða skemmri tíma og henta vel fyrir flest allan úrgang, en algengt er að nota þá undir almennt sorp eða endurvinnanlegt hráefni. Lokaðir krókgámar eru sóttir með krókabílum og losaðir á næstu starfsstöð okkar. Við höfum yfir að ráða lokuðum krókgámum í stærðum frá 10m³ til 35m³og eru þeir allir 5-6m á lengd en mis háir eftir stærð. Það eru 2-3 læsanlegar hurðir á hvorri hlið en það fer eftir stærð þeirra. 

• 10m³-35m³
• 5m-6m á lengd og mis háir eftir stærð
• 2-3 læsanlegar hurðir á hvorri hlið

Opinn krókgámur

Krókgámar eru ýmist opnir eða lokaðir og í mörgum stærðum. Opnir krókgámar eru oftast leigðir til skemmri tíma og henta vel undir rusl vegna framkvæmda sem dæmi. Einnig eru þeir oft notaðir á byggingarsvæðum fyrir timbur, járn og annað sem fellur til. Við bjóðum einnig upp á jarðvegsskúffur fyrir garðaúrgang og annan óvirkan úrgang. Krókgámar eru sóttir með krókabílum og losaðir á næstu starfsstöð okkar. Við höfum yfir að ráða opnum krókgámum í stærðum frá 10m³ til 35m³ og eru þeir allir 5m-6m á lengd en mis háir. 

• 10m³ til 35m³
• 5m-6m á lengd en mis háir

660 lítra kar

660lítra kar hentar vel þar sem 240 lítra tunna er ekki nóg. Hægt er að fá í körin í ýmsum litum, og er gráa fyrir almennt sorp og græna fyrir endurvinnanlegt hráefni. Körin eru á 4 hjólum og auðvelt að færa þau til. 660ltr kar er hægt að hafa inni og kemst auðveldlega í gegnum venjulegt hurðarop. 

140 ltr tunna

140ltr tunnurnar okkar eru undir lífrænan eldhúsúrgang. Ekki er ráðlagt að hafa tunnurnar stærri en þetta vegna þyngdar lífræna úrgangsins. Mikilvægt er að allur lífræni úrgangurinn sé í maíspokum því þeir brotna niður í jarðgerðinni okkar. Plastpokar gera það ekki. Því miður getum við ekki boðið upp á þessa þjónustu til einstaklinga og því einungis sveitarfélög og fyrirtæki í viðskiptum við okkur geta pantað tunnu undir lífrænan eldhúsúrgang.