Markmiðið með nýjum og endurbættum vef er að auðvelda aðgengi notanda að upplýsingum og þjónustu. Til að mynda hefur aldrei verið auðveldara að panta losun, fá sérfræðiaðstoð varðandi flokkun eða panta gáma og tunnur.
Við höfum verið í samstarfi við Plastplan um nokkurra mánaða skeið. Markmið Plastplan er að standa að raunverulegri endurvinnslu plastefna. Endurvinnslan felur í sér móttöku neytendaplasts og umbreytingu í nýja nytjahluti. Plastplan býr yfir tækjakosti og þekkingu til að taka á móti öllum flokkum plasts, plastið er kurlað niður og eru sérhannaðar vélar notaðar til að búa til nýja nytjahluti úr úrgangs plastinu.
