Markmið Íslenska gámafélagsins er að vera leiðandi á sviði úrgangsmála, þ.e. í sorphirðu, endurvinnslu og endurnýtingu. ÍGF þjónustar bæði mörg sveitarfélög og fyrirtæki á öllu landinu og hefur innleitt fjögurra flokka flokkunarkerfið í flestum þeirra með góðum árangri.
Umhverfisvitund Íslendinga hefur aukist mikið á undanförnum árum og leggja mörg fyrirtæki mikinn metnað í flokkun til endurvinnslu. Flokkun og endurvinnsla stuðla að hringrás hráefnisins, spara orku, draga úr mengun og minnkar ágang á auðlindir jarðar, eins og olíu, kol og vatn ásamt því sem förgunarkostnaður fer hækkandi. Ávinningur af flokkun er því bæði umhverfislegur og fjárhagslegur fyrir fyrirtæki.
Í upphafi árs 2023 var komið á samræmdu flokkunarkerfi fyrir endurvinnslu og meðhöndlun sorps á Íslandi. Þetta er mikilvægt fyrir innleiðingu hringrásarhagkerfis á Íslandi og stórt framfaraskref þar sem sýnt hefur verið fram á að sérsöfnun á hráefni leiði til meiri og betri flokkunar. Nýja flokkunarkerfið byggir á sérsöfnun á eftirfarandi flokkum við íbúðarhús: pappír/pappi, plast, matarleifar og blandaður úrgangur. Íslenska gámafélagið hefur aðstoðað fjölmörg sveitarfélög, fyrirtæki og stofnanir um land allt við innleiðingu á nýja flokkunarkerfinu.
Umhverfissvið Íslenska gámafélagsins var stofnað í byrjun árs 2007 með það að sjónarmiði að veita viðskiptavinum faglega ráðgjöf í umhverfismálum ásamt því að efla umhverfisvitund fyrirtækisins og viðskiptavina þess. Starfsemi umhverfissviðs hefur aukist gríðarlega á undanförnum árum vegna aukins áhuga fólks á flokkun og endurvinnslu og einnig vegna aukinna krafa varðandi úrgangsmál frá stjórnvöldum.
Á umhverfissviði ÍGF starfa sérfræðingar sem taka að sér ýmsa þjónustu fyrir viðskiptavini, eins og t.d:
Sendu okkur línu á [email protected] ef þú vilt taka flokkunarmálin föstum tökum með aðstoð sérfræðinga okkar.
"*" indicates required fields
