Styrkir úr dósasjóði ÍGF 2020

Við styrkjum ýmis samfélagsleg verkefni á ári hverju og leggjum jafnframt ríka áherslu á að styrkja íþróttastarf í þeim sveitarfélögum sem við þjónustum. Við höfum yfir að ráða svokölluðum dósasjóði en í hann safnast allar þær flöskur og dósir sem við söfnum frá viðskiptavinum okkar. Sjóðurinn rennur oftast allur óskiptur til Barnaspítala Hringsins og hefur gert síðastliðin 20 ár.

Í ár er sjóðurinn mun minni en venjulega vegna þess að færri flöskur og dósir féllu til hjá viðskiptavinum okkar þetta árið vegna allskyns takmarkana og minni sölu vegna faraldurs covid-19.