Lokfestingar
Lok á ruslatunnum eiga það til að fjúka upp í vondum veðrum og þá skapast fokhætta á rusli út í náttúruna. Með þetta í huga höfum við þróað lokfestingu á ruslatunnur í samstarfi við Plastplan. Festingin er framleidd úr PP plasti sem fellur til í starfsemi okkar. Prófanir hafa farið fram í nokkrum sveitarfélögum árið 2020 og hafa gengið vel. Nokkur fyrirtæki á höfuðborgarsvæðinu nota festingarnar með góðum árangri og vonumst við til að geta komið þeim í smásölu árið 2021.
Hér má sjá skemmtilegt myndband af ferlinu:
Í myndbandinu hér að neðan má sjá leiðbeiningar um hvernig eigi að setja lokfestingar á tunnu.
Hafa skal eftirfarandi atriði í huga:
Skapalón er hannað til að gegna alveg upp að tunnu lokum og köntum.
1) Stillið skapalón rétt af
2) Borið gat varlega með 9,5 mm stál bor sem fylgir. Mikilvægt er að staðsettning sé nákvæm miðað við skapalón svo tunnu festing virki sem skyldi.
3) Festið tunnu festingu í göt sitthvoru megin með hamri.
4) Tunnu festingar eiga að snúast mjúklega og koma í veg fyrir að lok geti fokið upp í vindi.
