Fréttir

Skjótum Rótum

Rótarskot er óhefðbundið umhverfisskot til að fagna nýju ári. Það er hannað í samstarfi við Slysavarnarfélagið Landsbjörgu og Skógræktarfélag Íslands.

Rótarskot er óhefðbundið umhverfisskot til að fagna nýju ári. Það er hannað í samstarfi við Slysavarnarfélagið Landsbjörgu og Skógræktarfélag Íslands.

Hvert Rótarskot samsvarar einum græðlingi sem Skógræktarfélag Íslands mun gróðursetja fyrir hönd kaupenda. Skógurinn, sem tileinkaður verður Slysavarnafélaginu Landsbjörgu, er við Þorlákshöfn og mun bera nafnið Áramót. Um ókomna tíð munu landsmenn geta notið þess að sjá trén springa út á góðum stundum, vaxa og verða að fallegum skógi.

Rótarskot er hannað fyrir þá sem láta sig umhverfið og almannaöryggi varða; fyrir alla þá sem vilja taka þátt í að hlúa að umhverfinu, fækka flugeldaslysum og bæta andrúmsloftið fyrir alla – sérstaklega börnin okkar.

Við kaupin á Rótarskoti eru góð málefni styrkt: bæði björgunarsveitirnar og umhverfið. Allur ágóði af sölunni rennur beint til sjálfra björgunarsveitanna – sjálfboðaliða sem svara neyðarköllum landsmanna og erlendra ferðamanna allan sólarhringinn sama hvernig viðrar, allt árið um kring.

Rótarskotin verða til sölu á flugeldasölustöðum björgunarsveitanna fyrir áramót og kosta 3990 krónur. Þannig er hægt að kolefnisjafna flugeldana sem skotið verður upp um áramótin

Tökum höndum saman og skjótum rótum.

Gleðilegt nýtt ár!